Tui bel (tui in bel) leh Tui in

Zawnawlna, Ṭawng

Kan ṭawng a bo mai loh nan, i'n dah ṭha ve mai mai teh ang aw.

Entirna

• Kan tui (in) bel a keh daih mai.
• Tui in belah tui a awm tawh lo.
• Ṭhenawmte u, 'tui in' in nei em? Keini chu kan 'tui in' a zo daih a...
  

Hrilhfiahna

drinking water (English) = tui in (Mizo)

In tura tui thianghlim kan dah, a tui-a kha "tui in" tia koh ṭhin a ni. "Tui in" han tih hian, "in" tih lai hi a ri hniam leh tawi tur a ni.

History

Myanmar lamah chuan lei hmanga siam bel hi an la uar hle, Mizote pawhin an hmang ve ṭhin. Hetia, lei bela dah hi, a vawt ṭha bik a, khaw lumna hmunah chuan ṭha tak a ni.

Tui in bel a keh a, a thar an la lei hman si loh chuan, aluminium bel dar-ah te pawh an dah ve mai ṭhin.
In tinin mahni in chhungah (mi ṭhenkhat chuan pawnah pawh) tui in bel an hung a. Kawng sirah te, khaw pawn deuhah te pawh an dah ṭhin. A hnaivai bera awm nula te, nu te hian, a bel a ruah dawn hnaih emaw, a ruah emaw chuan hla deuh taka mi pawh ni se, tui an chawi vang vang a, an thun khat leh zel ṭhin.

Hetianga mite tana thil ṭha tih hi chu an tih tur ve rengah an dah hmiah mai a ni. Inleng te, khual zin te, khawi ilo leng vak te, feh te pawhin, an hmuh remchanna apianga mi an in mai ṭhin a ni.

Ni sa-in a em lum pup loh nan, thingkung hnuaiah te hian a dahna an siam a. A dahna hmun hlim remchang a awm loh pawhin, a in té tal an sa ve ṭhin.

Khawvel a lo changkang zel a, an ina dah atan chuan plastic filter an hmang ve nasa tawh; Mizoram khawpui lamah chuan leia siam tui in bel hmang an tlem deuh.

Google tuibel thlalak

native drinking water pot in Myanmar