WhatsApp Vanga Phone Rit Tihzan Dan

(Memory Tihthawl Dan)

A. Media download sa paih fai
B. Media auto-download tihtawp
C. Group/mimal message clear ṭhin
_______________

A. Media download sa paih fai

1. WhatsApp Settings-ah lut la,

WhatsApp Settings-a luh dan:

1. WhatsApp open la,
2. Main page-ah kir la (a chung vei lamah letna fei ← a awm chuan),
3. Menu khawih la (a chung ding lama chhutdèt pathum tlar chhuk thla ⁝ kha),
   
   
   
   
4. Settings khawih la,
   
   
   

2. Storage and data-ah lut la,

3. Manage storage-ah lut la,

4. Hengte hi clear la:

1. Forwarded many times
2. Larger than 5 MB
3. Chats
   
   
   

5. Chats tih hnuaia memory inziak tam zual-ahte khan lutin clear hlawm ang che.

6. A chung ding lama Select all kha khawih la

7. Bawlhhlawh bawm lem kha khawih la

8. Delete zawk kha khawih ang che.

9. Back leh la (a chung vei lama fei ← kha khawih la),

10. A chunga Step 5 aṭanga Step 9 hi eng emaw chen, size lian zual a awm chhung chu tih kual char char mai tur.
_______________

B. Media auto-download tihtawp

Kan hmuh nin tawh te, thil ho deuh deuh te hi an rawn post leh a, a lo in-download zel chuan, internet pack a tihek mai mai a. Kan clear hman lawk loh phei chuan Phone memory a lo tawt hman thei a. Chutiang a thlen loh nan hei hi a ṭangkai.

1. A chung Step 2 (Storage and data)-ah khan lut leh la,

2. A hnuai lama Media auto-download hnuaia

1. When using mobile data
2. When connected on Wifi
3. When roaming

tihte kha lut kual leh ṭheuh la,

🔲 Photos
🔲 Audio
🔲 Videos
🔲 Documents

tihte kha check mark paih vek ang che (check mark awmnate kha khawih den den la).

3. OK kha i khawih zel ṭhin dawn nia.

Nangman i khawih hunah a in-download chawp chauh ṭhin tawh ang. Internet Signal chak loh lai a nih chuan, tlemin a buaithlak ve duh deuh. 

Second hnih khat lek han play lawk la, back leh vat la, eng video nge tih a hriat theih (duh loh chuan delete daih a ni mai).

_______________

C. Chat clear ṭhin

1. Chats chhungah lut la (Group-ah emaw, mimal emaw message en dawna i luh ang khan),

2. A chung lam ding lama WhatsApp Chats Menu ⁝ kha hmet la,

3. More tih kha hmet leh la,

4. Clear chat kha khawih leh la,

5. Delete media in this chat tih kha tick mark dah la, star i pekho pawh i delete vek duh chuan Delete starred messages tih pawh kha tick mark i dah ve dawn nia.

6. CLEAR MESSAGES tih kha khawih leh la, tichuan, Chat pakhat chu i clear vek tawh tihna a ni ang.

7. Back leh la,

8. Chat dang dangte pawh kha i clear ve ṭheuh dawn nia.
_______________